भक्तिसुधा ही संकल्पना ज्यांनी विचार आणि अंमलात आणली त्या सगळ्यांना मनःपूर्वक नमस्कार आणि आभार. खूप सुंदर विचार आहे हा अध्यात्मिक प्रवासाचा. त्यांनी निवडलेले सगळेच निरुपणकार, त्यांचे विषयांचे सखोल ज्ञान अलौकिक आहे. हा सगळा आत्मोन्नतीचा प्रवास अतिशय सुकर होतोय या सगळ्या subject experts मुळे. हा प्रवास असाच सुरु राहो, ही ईश्वरचरणी प्रार्थना.

मी पुण्याचा. सध्या बोस्टनला मुलाकडे आलो आहे भक्तिसुधा रेडीओ नित्याने ऐकतो फारच छान आणि श्रवणीय कार्यक्रम आहेत आपले कौतुक आणि अभिनंदन एक विनंती कि मकरंदबुवा रामदासी यांचे निरूपण पुनश्च ठेवता येईल का?? यावर जरूर विचार व्हावा. मला आवडलेले सर्वात छान निरूपणकार. माझ्या मते ब्रह्मर्षि डाँ वर्तक ,आणि योगेश्वर जी यांचे विष्णु सहस्रनाम आणि मकरंदबुवा हे तीघेही भक्तिसुधाची गोडी अधीकाधीक वाढवतात. मी या तिघांना कधी ही पाहीले नाही पण एक श्रोता या नात्याने नम्र विनंती कि त्यांना डोळे बंद करुन तासनतास ऐकत रहावे असे वाटते योग्य वाटल्यास विचार व्हावा असे वाटते आपल्या उपक्रमास शुभेच्छा

नमस्कार, भक्तीसुधा या इंटरनेट रेडिओ वरील सर्वच कार्यक्रम खूप आवडतात. आपले महान पौराणिक ग्रंथ, वेद, पुराण, उपनिषद यांची फक्त ओळखच नाही तर, प्रत्येक मनात उत्तम विचारांचे, सद्वर्तनाचे बीजारोपण होईल असेच सुंदर उद्बोधन सर्वच मान्यवर वक्ते करीत असतात. त्यामुळे अल्पावधीतच या भक्तीसुधाला अफाट प्रसिद्धी लाभली, सर्वांच्या मनात स्थान निर्माण करता आले. खूपच स्तुत्य, प्रशंसनीय उपक्रम आपण राबवित आहात. आपल्या पुढील वाटचालीस मनःपूर्वक शुभेच्छा.

आपण भक्तिसुधा रेडिओ सुरु केलात त्याबद्दल त्रिवार धन्यवाद देते मी नियमितपणे भक्तिसुधा रेडिओ ऐकते . सुनीलजी चिंचोलकर, कल्याणीताई नामजोशी, योगेश्वर महाराज देशपांडे, मकरंदबुवा रामदासी, धनंजय देशपांडे, डॉ. सुषमाताई वाटवे, ह. भ. प. चैतन्यमहाराज देगलूरकर हे सर्वजण आपल्या ओघवत्या वाणीतून तृप्त करतात. ज्ञानेश्वरी, करुणाष्टके, भागवत, विष्णुसहस्त्रनाम असे अनेक विषय आहेत.सगळेच वक्ते एकापेक्षा एक सरस आहेतच. सर्वांचे वक्तृत्व ऐकून मनाला समाधान वाटतं. पुराणातील, वेदांमधील गोडी होतीच, ती वृद्धिंगत झाली. त्याबद्दल भक्तिसुधाचे धन्यवाद कमीच पडतील.

आपण सुरु केलेला भक्तिसुधा इंटरनेट रेडिओ आम्ही कुटुंबिय नियमित ऐकतो . पहाटे ओम नम: शिवाय ने दिवसांची सुरुवात होते. ५.३० ते ६ पर्यंत निरामय चा आपल्या बरोबर केलेला प्राणायाम चा अभ्यास खरोखरीच दिव्य प्रकाशाची सकारात्मक ऊर्जा देवून ईश्वरीक्रुपा ,करूणा , शांती आणि आनंदाने मंगलमय करतो .
मंगलप्रभात, अभंग व भक्तिगीते जुन्या बरोबर नाविन्याचा ही उपहार घेवून येतात. दास वचन – प. पू . सुषमा वाटवे यांचे कळकळीचे शब्द त्यांच्या ओघवत्या वाणीतून ऐकताना सहजच जीवन उंचीवर नेवून ठेवतात. श्री.ब्रहमचैतन्य गोंदवलेकर महाराज प्रवचन म्हणजे शाश्वत सत्यात घेवून जाणारी नौकाच !
वरील तीनही कार्यक्रमांमुळे दैनंदिनीला सुरुवात होवून जीवनात नियमितता येते आहे.
भागवत पुराण, नारद पुराण, विनोबांची गीता सर्व वक्ते परिपूर्ण असल्याने मिळणारे ज्ञान अल्प कालावधीत ब्रम्हांडनायकाची भेट घडवून आणतात.

देशाबाहेरील मुला-मुलींना मी ही लिंक पाठवते तेव्हा ते आवर्जून आवडल्याचा संदेश पाठवतात ….
आपले यासाठीचे संकलन , एडीटींग ,नियोजन आणि एकंदर सर्वच संकल्पनेसाठी पुनः अभिनंदन आणि शुभेच्छा तसेच त्रिवार वंदन .

भक्तिसुधाचे आभार मानावे तितके कमीच ठरतील, इतके तुमचे या पृथ्वीवरील हिन्दू धर्मियांवर उपकार होत आहेत. विशेष म्हणजे यापूर्वीपासूनच अशा उपलब्धतेची अतीव तीव्रपणे हिन्दू धर्मियांसाठी आवश्यकता होती. ऊशीर कां होईना पण अशी सोय तुम्ही करून दिली आहे, याबद्दल आपले मनापासून आभार !
गोंदवलेकर महाराज भक्तांच्या भेटीसाठी जिथे कुठे जात असत तेव्हा तेथे आध्यात्मिक भक्तीचा ‘ हाट ‘ भरवीत असत. अखंडपणे चौवीस तास आपले कार्यक्रम प्रसारीत होत आहेत. केवढी मोठी मोलाची उपलब्धी आहे ही ! हिन्दू धर्मातील अगदी वेद व पुराण काळापासून आपल्याकडे विपुल प्रमाणात आध्यात्मिक अक्षर साहित्य उपलब्ध आहे. ते वाचून, जाणून व त्यावरील मनन-चिंतनाद्वारे साक्षेपाने अभ्यास करणे हे मनुष्याच्या एका जन्माचे काम नाही. अशा अभ्यासासाठी अनेक जन्म घ्यावे लागतील. इतक्या विस्तृत व खोलवर व्याप्त अक्षर ज्ञानाच्या सागरात मनुष्यमात्राला केवळ या जन्मात सहज अवगाहनाची सैर करून घेता येईल, इतकी मौल्यवान सोय आपण करून दिलीत. आभार मानावेत तितके थोडे आहेत. सध्याचे पृथ्वीवरील मानवी जीवन किती खडतर झाले आहे, याची कल्पना आपणा सर्वांना आली आहेच. मोकळेपणाने मुक्त श्वास घेणेसुध्दा दुरापास्त झाले आहे. अशा घुसमवटून टाकणा-या वातावरणात केवळ एकमात्र शीतल शिडकावा म्हणजे
” भक्तीसुधा ” इंटरनेट रेडिओ स्टेशन आहे. उपलब्ध तंत्रज्ञानाचा कौशल्याने अहोरात्र लाभ उपलब्ध करून देण्याची आपल्यापैकी ज्यांना कोणाला कल्पना सुचली त्यांचे किती आभार मानावेत ! ईश्वर आपणावर अखंड सद्-बुध्दीची कृपा करो, जेणेकरून अमीत जीवमात्रांचे, त्यांच्यातील आत्मवस्तूंचे शाश्वत कल्याण होवो, अशी मनापासून सदीच्छा व्यक्त करतो. शुभम् भवतु !

जय हरी माऊली

आपण भक्तीसुधा हे रेडिओ स्ठेशन सुरु करुन खुप महान कार्यास प्रारंभ केला….

भाव-भक्तीची ही पेरणी
आवघी सेवा लागो जगी सुखा कारणी…

जय हरी

नमस्कार, मी भक्तीसुधा या radio station ची नियमित श्रोती आहे…खूपच छान कार्येक्रम असतात…खऱ्या अर्थाने ‘its journey to the soul’..

धन्यवाद,

नमस्कार
भक्तिसुधा रेडिओ केंद्र उपलब्ध केल्याबद्दल हृदयपूर्वक आभार.
श्री. सुनीलजी चिंचोलकर यांचे १५व्या अध्यायावरील प्रवचनांचे काही भाग मी ऐकू शकलो नाही.
ते मला पुन्हा ऐकता येतील अशी काही व्यवस्था होऊ शकेल तर कृपया कळविणे.
आपला सदैव आभारी जयंत डुबल.